الكشكول ابتدى من الاخر

نفس عميق يمكن التوتر يخف شوية :), احم.. ايوة كدة انا تمام..

ازيكم بقى ؟؟

سنة ونص من الصمت المتواصل بحاول اجمع شتات نفسى عشان اعرف اكتب تانى او اخلى اسلوبى منمق , يمكن غريبة انى مكتبتش ,..بس مين قال انها مش غريبة انى اكتب دلوقتى وبالذات فى الوقت ده..

اد ايه الواحد بيدرك قيمة كل يوم فى حياته لما بيعمل فلاش باك ويشوف عمل ايه فى حياته !, بتدرك اد ايه انتا علمت واتعلمت من الدنيا وف الدنيا.. 

ممكن اللى بيفكرك بكل ده صورك, مواقف, اشخاص كانوا اقرب ليك من حبل الوريد اصبحوا : ازيك, عامل ايه , انا تمام, ابقى خلينا نشوفك!..

وفيه اللى كان ومازال بيفكرك بنفسك اللى نفسك تخبيها عن نفسك حتى, وفيه اللى ضحكتوا سوا لحد البكى وبعد كدة بقيتوا تدوروا على اى شئ يفكركوا بالايام ديه!..

وفيه اللى دخل حياتك فجأة وخرج برده فجأة بس عمل فجوة مش بيمليها غير ذكريات حلوة او حاجات لما تعملها لازم تفتكره :)..

وممكن اللى يفكرنا بعمرنا مش اشخاص بس, ممكن تفتكر عمرك عن طريق ادراكك للتغيرات الجذرية اللى بتحصل فجأة , من ميلاد شخص جديد لسة هيتكتب فى شهادة ميلاده تاريخ النهاردة بتلاقى نفسك بتحسب : ياااه انا عشت كل ده!!.. لحد وفاة ناس كانوا لسة من فترة قريبة ناس عادية بنقلهم صباح الخير لحد مااصبحوا : الله يرحمهم كانوا ناس طيبين...

ولسة كل يوم فى حياتك هتتعلم اكتر واكتر.. من اول يوم شايلينك فيه بيضحكوا لحد اليوم اللى برده بيشيلوك فيه بس وهما عارفين اهم مش هيشوفوك تانى ..

حياة كل واحد فينا زى الكشكول, انت اللى بتكتبه.. من اول سطر فيه : بسم الله الرحمن الرحيم لحد السطر اللى قبل الاخير.. عشان السطر الاخير بيتضاف مع اول ثانية لينا بتتحرر فيها الروح من قبضة الجسد اللى سكنته سنين وسنين.. بيتكتب فيه : تم بحمد الله..

بس الكشكول ده ملوش ترتيب ثابت , فيه اللى بيكتب فيه على طول وبيجدد وفيه اللى بيسيب فيه صفحات كتير فاضية..

بالنسبة ليا مليته كتيير اووى , حتى لما كنت بواجه مشكلة او موقف من اللى دايما بيتقال فيه : انا مش عارفة ازاى استحملتى.. اغلب الوقت كنت بحط فاصلة واكمل او بحط نقطة وابدأ من السطر اللى تحتيه على طول..

بس بما اننا بشر مش كاملين محدش بيعرف يستحمل للاخر عشان محدش فينا وصل لمرحلة الصبر الكامل .. بتلاقى نفسك مش قادر تحدد المفروض تاخد نقطة ولا فاصلة ونكمل , زى فاصل ونواصل كدة.. 

بتتحول لمجرد قلم بيكتب حاجات كتيير من كتر ماهيا كتير وعاملة صدام , القلم ده بيكتب من غير حبر.. 

فبتلاقى الكشكول بقى صفحات فاضية... وتتناسب طرديا عدد الصفحات الفاضية مع درجة اصطدامك باى شئ جديد, سواء اشخاص او مواقف..

بس اللى بيوجع اووى , وبيخليك تحس انك عايز تشترى كشكول جديد , لما الكشكول يبتدى من الاخر..عشان دايما الاخر بيبقى اهم حاجة واصعب حاجة..

بتبقى مش عارف المفروض تعمل ايه, تسيب الصفحة فاضية اصلا ولا متبدأش اصلا ؟؟ اصلك لو سبت الصفحة فاضية لو الكشكول اتعدل مرة هتبقى يعتبر موصلتلش لشئ!..

ولو مبدأتش اصلا , هيبقى فيه احتمالية تسيبه فاضى طول ماهو ماشى من الاخر يبقى برده موصلتلش لشئ ! وقفت فى نص السكة وقولت بس!..انا تعبت!..

طب ايه الحل؟؟

الحل بسيط ومش بسيط, بساطته تكمن فى كونه اعتبارى,,,,,ومش بسيط عشان نفس السبب برده!..

الحل : لو الكشكول ابتدى من الاخر افترض ان الاخر هوا الاول.. وخد نفس.. عشان التوتر يخف :)..

اه على فكرة

ياصحابى وصحابتى هنا ومحلك سر بصوا وشوفوا كلماتى بس خليها سر :):).. مع الاعتذار بقى لمؤلف الاغنية اللى مش اعرفه اصلا :):).

اولا انا هسرد اللى عايزة اقوله ف شوية نقاط صغنتتة -100 سطر مثلا مش كتير مش تقلقوا :D- عشان انا عارفة العين ومشاكل النظر بقى وكدة :D

1- اه على فكرة :).. انا اسفة جدااااااااااااااااااااااااااااااااااااااااا وبعنى كل حرف ف الكلمة ..اسفة ل مين..اسفة لكل واحد..كشرت ف وشه.. اتكلمت ف غيابه عنه.. عاملته وحش..شاف منى اى موقف وحش.. من الاخر انا اسفة لكل واحدة وواحد اعرفه بما ان مصايبى كتير.. ولو حد برده انا مدايقة منه قررت اسامحه من غير اى عتاب وربنا عالم كل ذرة ف قلبى مفيهاش اى قناع ورا الكلام ده وبجد قاصدة كلمة انا مسامحة واسفة بكل ماتحتويه الكلمة من معانى.. وبما انى كائن مصايبه كتييرة واعز الناس بيبقوا اللى بياخدوا الجرعة كاملة منى بدون تخفيف..ف احب اعتذر ل ناس هم اعز الناس عليا واقرب ليا من حبل الوريد :)..

انا اسفة يا سمر ابو عبيد
انا اسفة يا سمر عصام
انا اسفة يا نسيبة درويش
انا اسفة يا نيرمين محمد
انا اسفة ياتقى اسامة
انا اسفة يا لمياء عبد الفتاح
انا اسفة يااسماء فتحى

وناس كتير بس فعلا واجب الاعتذار للناس ديه عشان انا دايقتهم اووى و قصرت معاهم الفترة اللى فاتت :)..بحبكم ف الله

2- اه على فكرة انا اكتشفت حاجة غريبة فيا اووى :).. وياسلام لو كله برده شالها منه زى مانا بحاول اشيلها :).. على فكرة انا مش ضحية انا اللى ظالمة نفسى لا الزمن ولا ربنا عشان ربنا اصلا اسمه العدل ولا حتى الظروف.. شوفوا المعادلة ديه

*الزمن : الاطار اللى بيبقى حوالين الصورة واول شئ باين فيها .. عشان كدة عامل معانا مشكلة عشان كل واحد بيحاول وهوا بيلون مش يتخطاه...بس ف نفس الوقت مفيش صورة من غير اطار..
*الظروف : لما يبقى فيه شوية هوا ممكن شوية الهوا دول ملوثين وممكن يجيبولك برد بس ف نفس الوقت لولاهم..ماكانت الحياة..وسبحان الله الهواء ده بيتحول لثانى اكسيد الكربون اللى بيبقى هوا لكائنات تانية عشان كدة الظروف القاسية اللى بنمر بيها بتبقى مطلب وظروف مناسبة لناس تانية..سبحانك يارب..
*ربنا : من الاخر كدة وبالبلدى الفصيح.. هوا حد عمره حس بنجاح الا لما ذاكر وتعب.. طيب يعنى هل ربنا غلطان-حاشا لله- عشان مديك زى الطفل الصغير لعبة بس طالب منك انك تمشى عشان فيما بعد تعرف تمشى ومش تنكسر من اى شئ.وتجيب العاب تانية!!. ده احنا جبابرة جبروت يااخى :D

ها!! هل تعرف تعيش من غير اطار لحياتك ولا هوا تتنفسه ولا تعب رجلين عشان تعرف توصل لهدف عايزة ؟؟ اذن محدش فينا ضحية :)..

معلش مثال تانى صغير :).. ف الكلية اتعلمت زى اسمى ان اى شئ ف الدنيا متكون من انبوت -مدخلات- واوتبوت -مخرجات- وزر انقر - لاء لاء مش صح بقلش :D وبفتكر الذكريات .. وبروسيسنج -معالجة - ..
ف ياعم الانبوت اتعب شوية واعمل شوية بروسيسنج ولو كان اى بطيخ عشان توصل للاوت بوت :):).. بس يارب ميبقاش كل شئ احمر على بوية بطيخ :D..مع الاعتذار للفيلم الهابط  اللى مش فاكرة اسمه :D.. اعتذرت كتير على فكرة بس ماشى :D.

3- اه على فكرة .. حد قالك قبل كدة ان ف الاخر كلنا هنبقى كلنا متر ونص ف مترين تحت الارض ومعلش ف الكلمة يعنى.. لا توتو ولا سوسو ولا كل الكلام الحلو وحياتنا المرفهة ديه هتنفعنا!!  طويب انا جاية ابيع ايه.. انا بس افتكرت منظر التربة ف بقول لنفسى قبل ما بقول لحد.. اتلمى بقى واتلموا ياناس واتقوا ربنا ده احنا اللى مسؤلين عن اى لبش ف المنطقة ومعلش احنا بنتكلم.. هالة الوزيرى من مصر D:.. اعمل لدنياك كانك تعيش ابدا.. (واعمل لاخرتك كانك تموت غدا )

4- اه على فكرة .. عشان بس الناس كلها بقت جيفارا.. والجو ده..انتا صح واللى مختلف معاك صح.. وانتوا الاتنين برده ممكن تبقوا غلط.. عشان الغلط والصح شئ نسبى .. عايز تعمل ثورة وتقضى عمرك ف التحرير اشطة.. go a head ya me3lam :D
وانتا مقضيها اعتراضات وشكوى الى الوالى وكل شوية اكتئاب لو الناس معرفوش يكملوا ثورتهم والكلمة المفضلة ليك : مفيش فايدة ماهو ده العادى من بنك مصر ..  طب قوم ياخويا شوف اللى مش هيبقى عادى لمصر وليك واشتغل .. مش ثورجى من بيتهم وعلى رأى الناس : حزب الكنبة .. والله لو كل واحد بطل تخوين وقسمنا الادوار وعرفنا ان بجد ومش كل نظرى كل واحد ليه دور مش مخلوق زيه زى اى حيوان ياكل ويشرب ويتكاثر.. لاء وكمان تريقة درجة اولى وكأنه بينقد مبارة بين الاهلى وبوركينا فاسو.. كل واحد حيتحترم التانى والنفسنة ديه هتقل ونبقى زى الفل بجد..
مهندس وضد الثورة : شوف ياسيدى الثورة بنت التييت ديه من وجهة نظرك  خربت ايه ودور على حلول ..سواء معمارى ..مدنى.. ذراوى حتى.. او اى شئ ممكن ينفع بلدك ونفسك ياخويا.- بين قوسين الجملة ديه عقدت اى طالب بس معلش بسمعها كتير :D- .
دكتور : بص انا ساكنة ف الهرم وعايزة دماغ ورجل وايد وياريت والنبى وانتا جاى عمود فقرى زيادة :D .. لاء اكيد يعنى البلد مليانة مرضى :).. الا بقى لو كنت دكتور نفسانى... عالج الشعب كله يامعلم والنبى :D.

شاب سيس وعامل فيها تامر حسنى تعرف بحلم ايه -على اساس انهم كانوا بيحلموا سوا وقابلها ف شارع الحلم 18 وانتا داخل مع اول كابوس!! - : انتا زى الفل . انتا متعملش حاجة يا معلم.. بس شد البنطلون والنبى فوق.. قرفتنا من منظر الحاجات الداخلى بينك وبين نفسك ديه.. الحاجات ديه داخلية وخارجية ياعم.. والفرافرة والبحرية وسيوة بتناشدك بنفس المطلب الجماهيرى يابرنجى :D.

احنا وصلنا لكام يااوختشى؟؟ 4 ؟؟ طيب نكمل الخمسة ونقفل عشان ورايا جلسة نميمة مع بعض الصد(تش)يقات :D.. ربنا غفور رحيم يااخى :D.

5- اه على فكرة : مساء الفل على عيوووونك يا جميل.. ماتيجى كدة ياباشا نقوم بالصلاة على النبى نتفائل شوية .. ونضحك ف وش بعض بدل علامة 111 - الاتوبيس ده يشوفه مرة كل 4 سنين زى السنة الكبيسة بالظبط وعمرى ماعرفت بيروح فين الا متعرفش انتا ياباشا ؟؟؟- بجددد لو مش عارف تبتسم.. على الاقل متكشرش.. او اقولك.. حط ف بقك مصاصة على الاقل هتخلى اللى قدامك يتبسم :D.

تم بحمد الله..اخر الخط...اجرة ورررررااا... قولنا ارفع البنطلون اللى ف الاخر ده.. قرفتونى..مليتوا البلد :D.

حينما يتكلم الصمت

لم اكن طيلة حياتى اعترف بالصمت ملاذا, ف دوما كنت اجده مثل التدخين او اى من وسائل اغابة الوعى البشرى للهروب من شيئا ما, وطالما كنت القى باللوم كل اللوم على متخديه كوسيلة للوقوف على الجانب الاسهل من تلك الحياة العجيبة . حتى تسنى لى ذات يوم مراجعة افتراضاتى التى كانت من المفترض مسلمات بالنسبة الى ..

 تكلم صمتى, واختنقت العبرات داخل مقلتى  .. لماذا يتعامل البشر دوما كضحايا لبعضهم البعض ؟ لماذا اصبح الغير دوما هم اصحاب الحق ويرونك دوما من اصحاب الاخدود؟

تكلم صمتى , وصرخت اهاتى معلنة ابتداء مسرحية هزلية انا بطلتها الوحيدة...مالى ابقى على تلك الحياة متمسكة ببعض من المبادئ واصبح من الطبقة السفلى من الاناس : من هم اتعس الناس حظا بسبب عدم تكيفهم للظروف واستغلالها..

تكلم صمتى. وعجزت الحروف عن الترابط.. ماوجه الربط بين حياتى ومحيط الدائرة اللانهائى الابعاد؟ من مقترف الخطأ حينما تدور الحياة وتعود لنفس النقطة التى بدأت منها مرة اخرى؟؟ هل هو القدر ام اننى نقطة ضائعة تتخذ مسارا خاطئا على منحنى غير منتهى الابعاد او بمحدد هو..

تكلم صمتى , واعلنت ضحكاتى يوما جديدا حتى اذ شعرت كاننى اصبت بموت الفجأة ولم اعد احتمل الواقع الذى احياه.. هل الضحكات منبثقة من ذلك الجسد الذى اكتنفته الالام الدنيوية المستوحشة ؟؟ ام هى مبثقة من نصف الروح الحى بداخل ذلك الجسد المتألم ؟

تكلم صمتى , ووجدت الناس يرتسمون بوشوش غير ادمية الطبع حينما تنادى نداهة الحياة معلنة بدء اقتسام الفرص وتوزيع الغنائم.. علام التكالب على دنيا لست انا اهلا لها ولا هيا عاملا مستديم للابد؟؟ اليس الرزق هوا شئ مقدرا من قبل بدون تدخلى كبشرى حقير ينتهز افضل الفرص المتاحة؟؟

تكلم صمتى , حينما افترضت ردود الفعل من الغير وفجأتنى الصدمة المستمرة : غيرك ليس انتا وانتا ليس كغيرك..كلنا بشر واحد تعددت طاقاته الجنونية فاصبح لايدرى اى رد فعل من المفترض تأديته ولو كان تحت مسمى الواجب؟ وكلنا ايضا اناس مختلفة اختلقت الاعذار كفنان يؤدى مهنته على اكمل وجه ...ماذا هو رد الفعل الصحيح فى موقف اذا كان الصمت سيكون القاتل الاول والاخير ولكنه المسكن للالام التى اكتنفت حياتى كاعراض انسحاب تملكت جسدى الضعيف.

تكلم صمتى, حينما اختلطت وجهات النظر كماء عكر فاتحول الكذب الى نوعا من المجاملة بل هو الصدق بعنيه المفترض.. وصدق الكذب فى زمن لايعترف بالثوابت ولو كانت تحت مسمى الاديان السماوية التى اختزلها البشر وحولوها الى اديان بل شرائع بشرية , وتحول اذ فجأة كل الاناس الى الهه يحاكمون الغير ويسنون قوانين الانا ,, وفى النهاية..مين اين لك هذا ايها البشرى .. هذا ليس بالقانون المتعارف عليه..

تكلم صمتى .. حينما تحول صمتى الى صديق اتحادث معه  فى جلسة حوار بل وتعاركنا الكثير والكثير.. حتى اذ تعاركنا على مسميات فلسفية بعيدة كل البعد عن التفكير..من انا؟؟ وما تعريف كلمة الانا حينما تصبح عاملا مشتركا؟؟ هل من الممكن ان تتم القسمة لكل من الطرفين ولننظر الى الباقى من المعادلة ؟؟ هل ستصبح معادلة موزونة ام ستختل موازين تلك المعادلة .. معادلة الحياة..

تكلم صمتى .. وادركت ماهية الامر بالنسبة الى.. لقد تحولت الى فيلسوف يسال .. ماهو الصمت؟؟هل اصبح معنى اخر ام مازال يتمسك بعذريته كتعبير لم يتعكر بعد؟

حينما يتكلم الصمت.. يعجز الكلام عن تعريف نفسه كصديق.. او كعدو..

i'm not strange i'm just a Different

it's about seven months i didn't publish any posts here, and God know that i was about to delete the whole blog.. it's not the important thing now i know but let's go back one year and i'm gonna be a teller now so please be patient and good readers and stand me for just 10 min .

i was 19 years ago, on 15-6-2010.. it was my best day i spent on the earth cause , it  the birth day of one of my best friends ever.. and also.. the closest one who entered my life suddenly and left it also..suddenly.

when the clock announced the time : 12.00 , my laugh announced that i got born not just him..on this day. we celebrated , drew girls and boys playing with others, played some childish games..remembered the few days we knew each others.. remembered the first time to talk .. eventually..i cried..

i believe that everything comes from belief, your inner desires control your percentage of belief..the ghost who destroyed this day was the fact that : easy come easy go..

and it happened.. 

i can't say happy birth day now to you due to being far away of each others, i can't laugh again until crying..i can't stand the fact you aren't here celebrating with me,, but it's the real.. 

Oh God , you gave me alot, you made us away cause it's the best for us.. but!! what about the strange fate !! i saw you then people speak and mentioned your name!! then every time i read something i find your name shinning in front of my eyes..!!

i'm not a romantic girl saying Good bye to the one she loved, as i didn't and you didn't love me.. all what happened was just our destiny..

maybe i'm strange when i say sorry, but that's the fact..i'm very very sorry of my deepest part of my heart for you..

i made a conversation with me, and i realized, you were just a messenger from God to say a message for me.. 

you lightened my way to see something and i did.. you let me feel safe,, full of highly spiritual things which i didn't feel before.. but that doesn't mean i'm in love with you!!..

friendship NOT equal love, love has no meaning, no time, no world,, love comes when the time starting to be meaningless..

love has no fight among brain and heart all the time, love doesn't admit i'm full of drawbacks which need to be replaced , even it was concepts i'm convinced with..

i said last year, i got born BUT now, i say and will say.. i got born everyday not cause of you ...

cause Allah is here with me until the last minute of my life..

i'm sorry my closest one , you were my closest but Allah who is the most closest one of me..

eventually : being a friendly doesn't mean that i'm in love with anyone, it proves cause Allah love me, i'll love in Allah every one :-)..

Happy birth day for you as you complete another year,, and Happy birth day for me as i'm lucky enough having a GOD protecting me always and care for me everyday and every minute..

remember : it's All comes from beliefs..

If you really want to know the guilty, just take a look into a mirror ..

it doesn't matter who's the  guilty , who's victim.
all about now is forgiveness
i forgot everything , i fogive everything

i wish the same :)

bye bye guilty 

يااااااارب

بما انى بعيدة عن التدوين بقالى فترة كبيرة ف مش  هقول الموضوع اللى كان نفسى اتكلم فيه ..عشان هيبقى شكاوى برده ونظام اعمل ايه يااسامة .. بس طبعا انا بتكلم من بيتنا وعادى قدام كل الناس على خلاف الكلام اللذيذ اللى كان من البلكونات وتحت المخدة والحياة حلوة مع اسامة منير.. بجد كانت احلى ايام حياتى وانا بسمعه وبحل رياضة ف ثانوية عامة .. كنت بحس انى اد ايه عاقلة..صحيح.. من شاف بلاوى الناس  هان عليه بلوته :))

نفسى اقول بس كلمة واحدة ....

يااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب.. كلمة واحدة اه بس فيها كل الحاجات اللى ربنا عارف انى عايزاها.. وفيها كل الحاجات اللى انتوا عايزينها...

اللهم وفقنا لما تحبه وترضاه وحببنا فيما توفقنا اليه ... اللهم لا تشغل قلبى بما ليس لى واجعل لى فيمن احبه نصيبا.. يارب امين.

ربنا كبير..... اوووووووووووووووووووووووووووووووى.. 

استبحس خريفى معتدل مائل الى مماس حياتى

انا عندى صداع ساعة يروح اااه...وساعة يييجى.. 

بقالى كتير مش كتبت او دونت اخر بنات وولاد افكارى لذلك قررت قرارا مصيريا.. ولن ارجع فيه..لقد قررت ان اتنحى.. (مع التحيات لابو سمرة :) ).. عن 

كل الصداع الفكرى اللى بيصول ويجول جوايا ده ..واعود الى صفوف الناس بلا اى صداع..

عندى شوية افكار بتلعب ف دماغى ومش عارفة ليها اى حل..او يمكن الاستبحس بتاع كل سيزون ده هوا السبب..

عندى شوية مواقف كدة وعايزة حد يرد عليا لو ده صح او غلط عشان انا غلب حمارى وحصانى وكل حديقة حيوانى ديه.. بس حديقة الحيوان بتاعتى فيها 

زرافة..هبقى اعمل تذاكر عشان تزروها مش تقلقوا  :D.

ملحوظة : اصحاب القلوب البريئة ومحبى تامر  حسنى مش مستحب ليهم يقروا البوست..عشان بس جونسون ولا دموع بعد اليوم.. 

.................................................

1- ليه بنقابل ناس وبنلاقيهم  ناس تانية لما الظروف تختلف..يعنى تلاقى اللى بتضحك اووى وتهزر على الفيس بووك وعاملة فيها صاحبتك لابسة القناع الحلو 

ده مع كل الناس ومن وراك بتتكلم  عليك . لاء والبجاحة كمان انها فرحانة  انها عارفة حاجات كتير على كل حد وبتتكلم على اساس انها  عرفت اسرار القمة 

وماشية لكل الناس  تقول اخبار ديه كذا وديه قالت وديه  سوت.واول ما تشوفها ف وشك تعمل  فيها دور البريئة ..مع ابتسامة صفرا اخبارك ايه..نفسى بجد 

اقولها كلمة حلوة.. طب ابقى اغسلى سنانك ب سيجنال تو عشان فعلا الابتسامة صفرا اووى.

........................................................

2- ليه بقيت بحس ان كل واحد فعلا مش همه غير نفسه وبس!! ليه بجد كدة؟؟ يعنى مثلا لو عندك مشروع او حاجة عادى هتتكلم وتهزر مع كل الناس وممكن 

تسيب شغلك عشان خاطر فلان  عايزك او علان متضايق وتشوف ماله..انما بقى الناس الحلوة ديه .. ياربىى على الفقعة اللى بحس بيها منهم بجد.. هما تلات 

كلمات لما يبقى ليك عوزة اصلا.ازيك ..عامل ايه..بقولك ايه عملت ديه ازاى..طب سلام.... وياريت حتى فيه سلام.. لاء واللى يفقع اكتر ويشل ويجيب كل 

امراض العصر اللى ممكن تجيلك لو شربت مياة النيل بالظبط.. لما تليفونك يرن والمفروض انك بقى تبقى 24 ساعة جنب التليفون ولو لاقدر الله حد استناك 

يبقى  عيب عمل المعصية الكبرى خلاص ..وتلاقى حقوق مكتسبة كتيير اووى وانتا نفسك تفهم هوا فيه ايه..انا بجد بقول هوا فيه ايه اربعة وعشرين ساعة 

دلوقتى من اللى شايفاه..فعلا نفسى اجيب  بلاستر عشان مش اصرخ فى حد او اصرخ من اللى جوايا فعلاااا.. هوا الناس بقوا ناس غريبة ولا انا اللى رايقة 

اووى ولا ايييييه بقى ..

....................................

3- ليه لما تبتسم ف وش حد تبقى غريب لاء والمفروض بقى  تبقى مكشر  اربعة وعشرين ساعة زى بقيت الناس طالما كل شئ فيه مشاكل والحياة بايظة 

بقى..نفسى اقول للى مكشر ده بجد كلمة .. البسمة مش بفلوس والله.. 

................................

4- ليه لما حد يقولك نفسك تبقى ايه بكرة وتقوله كذا يقولك ابقى قابلنى..انسى يا عمرو.. عشم مبارك ف نوبل للديموقراطية..هوا ياجدعان خلاص بقى كل شئ 

حرام حتى الحلم؟؟ مش هقولكم احلم والخيال يتحقق وكل كلام كتاب العربى مغامرات ف اعماق البحار خامسة ابتدائى اللى صحى من النوم ف الاخر بس 

هقولكم ..اسعى يا عبد .. هوا فيه ايه احنا اتخلقنا كدة وخلاص يعنى.. طب خلاص بكرة هبقى اروح اشقر على المقابر بقى واقضى الويك اند فيها طالما مليش 

لازمة..  

...............................

5- ليه كبرنا؟؟ والله مش قصدى انى  اتريق ونظام بقى الستات اللى بيفضلوا عندهم 23 سنة كل سنة لحد ماتموت وهيا عندها 90 سنة ويقولك ماتت مخطوفة,, 

بس فعلا ليه مرة واحد بندرك اننا كبرنا وخلاص عمرنا اتسرق مننا..انا عن نفسى بقيت اخاف ابص لنفسى ف المراية لمجرد حاسة انى معملتش اى شئ ف 

حياتى مفيد.. غير انى كبرت.. وده ف حد ذاته مفيد عشان مقتلش احمد زكى بدر او اعمل اى مصيبة فيه  من المهازل اللى بتحصل وقاللك حزب وطنى ف 

دراسات اجتماعية ...عند خالتى اطاطا الكلام ده والله بس الرقابة بقى .. بس فعلا ليه كبرنا؟؟ 

....................................

6- ليه بقيت احب اقعد ف الضلمة.. يمكن مش كلنا كدة بس فعلا بقيت حاسة انى  عايشة ف الضلمة  23 ساعة ..اصحى من النوم اقعد على اللاب ف 

الضلمة.. وانام ف الضلمة..واشوف حاجات بتحصل غلط قدامى وبرده عايشة ف الضلمة ومش عارفة اغير لمجرد انها بقت حاجات عجز العلم والعقل عن 

حلها.. او عجز نظام التوريث عن انه يتيح لنا فرصة بس التفكير لحلها.. هوا اللون الاسود بقى حلو اووى كدة ؟؟ ولا عشان خالى من اى تفاصيل ومش ملفت 

وعامل زى سجون القناطر..هيا فعلا سجون القناطر..بس نفسى اعرف ازاى سجون..وقناطر.

.................................

7- ليه بتبقى وسط الناس قديس وف خلوتك ابليس.. وسبحان الله تلاقى نفسك اول ما تبقى وسط الناس وجت سيرة حاجة كويسة او تتكلموا ف الدين تتحول مرة 

واحدة للشعراوى بس مش اللى عارفينه..ده واحد تانى كدة بيشد ف شعره من اللى بيشوفه. واول ما تروح وتلاقى ايها مشكلة ف البيت او تواجهك مشكلة 

..يتحول الشعراوى ده لواحد متعصب ويشتم ويعمل وتقول ازاى ده عمل وده سوا.. وهنيالك يا مقطع فروة الناس بكرة هتروح جهنم هتتباس..

...............................

8- ليه الصراحة من وجهة نظر الناس بقيت بجاحة وقلة ادب والنفاق بقى ذوق .. وليه الصح والغلط بقى مطاطى اوى كدة.. وليه لو قولت رأيك يقولك بطل 

فذلكة.

..............................

9- ليه كلمة صايع بقيت حاجة حلوة مع انها كانت شتيمة زمان..والكلام ليا اول الناس يعنى..ينى يقولك ده صايع ومقطع السمكة وديلها..ولما تبقى شطور شوية 

مش يتقالك زى زمان الشاطر عمرو..يتقاللك يا قرد..براوة عليك ياض..ايه الاسلوب ده ..هوا العربجية مع الاحترام ليهم بس استعمروا مصر امتى؟؟

................................

10 - ليه  التفاهة يا جدعان ونشد مع بعض اصلا بسبب ده قال وده بص ونظراته ومش عارف ايه وبنطلونه بيدايق عينيا وخربشنى ياابلة ف ايديا وكل الهبل 

ده.. طول عمرى شايفة ان اى خناقة بين البشر ماهيا الا شوية هبل بيحصل وشيطان مذاكر مع اول ثانوية عامية . وهتتحل ..بس واضح انى ياما غلطانة ياما 

فعلا شوشو الثانوية العامية بتاعته بقت سهلة اووى ف بقى شاطر اووى..ياجدعاااااان هيا مرة واحدة هنعيشها..نفسى اقول لكل اصحابى اللى متدايقين من حاجة 

او مدايقين حد ف حاجة..بلاش هبل.. هالة..اتكلم طبيعى ..واشرب طبييعى ..اعلى اساس انك هتشرب صناعى ا عن طريق انابيب ف مناخيرنا مثلا ..مع 

تحياتى لجهينة.

..............................

11- هيا الحياة فيها ايه عشان نبكى عليه...تراللململلملم..لاء بجد هوا فيه ايه..هيا كل الحياة بقيت شوية خروجات على شوية كلام يتحفظ قبل الامتحانات يتسمع 

ف الامتحانات..على شوية مشاكل عاطفية وازمات تنتهى بانك تتجوز عصمت بنت طنط عطيات.. وتجيب منها زغلول وفتكات..وتشتم نفسك عشان تجيب ليهم 

شوية قريشناات..بجد حلوة اووى حياتك ومبروك عليك احلى ممات..حياة بدون اضافات..ترالململم.. فعلا مبروك على الناس التافهة ديه حياتها لو كانت عبارة 

عن الكلام ده.. اللهم استخدمنا ولا تستبدلنا.

.................................

12  مليش نفساكمل كتابة ,  كفاية اكتئاب اكتر من كدة انا  زهقت منى ومنكم ومن مشاكلنا ديه وهقوم انتحر..يلا لا اله الا الله..ادعولى ب انتحار كويس عشان 

مش عايزة اتعور عشان الماكيب بقى..عشان ابقى حلوة لما اقوم من الموت بقى يوم القيامة.. وهنيالك ياكارينا ويا اوريفليم..وايفون..وماى واى..وكل الحاجات 

الحلوة اللى هتودينا الجنة حلوين ان شاء الله..